Best Quote Of The Day | Bint e Hawa Ka Taaruf

Description:

Allah Taala ny har muqaddas cheiz ko chupa kar dhanp kar pardy ky andar rakhny ka hukm dia hy. Khana kaba dunia ki sab sy muqaddas jaga hy us par ghilaf charha hua hy, Quran Pak dunia ki sab sy muqaddas kitab hy us par musalman ghilaf charhaty hen, Muslim aurat dunia ki sab sy muqaddas aurat hy usy bhi dhanp kar pardy mein rehny ka hukm hy. Magar is dour ki muslim aurat ka naseeb dekhye ky jis ka bhai, jis ka shohar, jis ka bap, jis ka beta aur sab sy barh kar us ka Rab usy pardy mein dekhna chahta hy. Afsos aj wo pardy ko old fashion kehti hy aur us mein ghutan mehsos karti hy. Islam ki bunyad haya hy jis mein haya nahi us mein iman nahi. Aur aj ky musalman mein bhi na haya baqi hy na imani jazba. Allah Pak humari tamam maaon, behnon, betion ko Islam ko samajh kar us py pura pura aur thek chalny ki taufiq ata farmaye. Ameen Suma Ameen

Best Quote Of The Day | Bint e Hawa Ka Taaruf

Mazi:

Pehly larkion ki khobian in alfaz mein bayan ki jati theen:

Bari sharm o haya wali hy, kam go hy, saleeqa mand hy,

 waldain ki bari khidmat guzar hy, nimaz roza deegar 

ibadaat ki paband hy, ghar acha sambhal leti hy, 

apny kam sy kam rakhti hy, ghar sy bahir shaz o nadir 

hi jati hy...

Haal:

Aj kal larkion ki taareef ka paimana ye hy:

Bari bold larki hy, subh jati hy to sham mein wapis

 ati hy, kharidari mein bari mahir hy, is ki har choice 

la jawab hy, har mehfil ki jan hy, umoor e khana dari ka

 bechari ko waqt hi nahi milta, film o faishon ki dunia 

sy waqif hy, fulan menhgy beauti parlor sy tayar hoti hy,

 Restaurant ja kar nai nai dishen khani ki shoqeen hy...