Shohar Ko Razi Rakhny Wali Aurat | Islamic Quotes

Description:

Aurat par sab sy zayada haq us ky shohar ka hai, ahadees mein is bat ki wazahat kar di gai hai. Aik hadees mein hai ky kisi ny Aap s.a.w.w. sy pucha ky mard par sab sy zayada haq kis ka hai farmaya us ki maa ka, phir pucha gaya ky aur aurat par haq sab zayada kis ka hai farmaya us ky shohar ka. Aik aur hadees mein hai ky agar shohar ko koi bemari lahaq ho aur us sy us ky jism mein peep par jaye aur biwi us ky sary jism sy wo peep apni zuban sy chat kar apny shohar ko thek karna chahy tab bhi us ny shohar ka haq ada nahi kiya. Lekin jo aurat apny shohar ky sab haqooq pura karny ki koshish kary gi aur usy hamesha khush rakhna chahy gi to is hadees ky mutabiq Allah pak bhi usy jannat mein dakhil kar den gy. Is hadees ka aik mafhoom ye bhi banta hai ky Allah ki raza shohar ki raza mein hai, kion ky agar shohar razi ho ga to Allah pak razi hon gy aur usy jannat mein dakhil karen gy.

Shohar Ko Razi Rakhny Wali Aurat | Islamic Quotes

Rasool Allah S.A.W.W. Ny Irshad Farmaya:

"Jo aurat is haal mein fout ho ky us ka shohar us sy razi

 ho to wo zaroor jannat mein dakhil ho gi".