Islah o Naseehat Ka Nabvi Andaaz | Quotes Of Muhammad S.A.W.W.

Description:

Is post mein kisi ki islah karny ka aik Nabvi andaz bataya gaya hy ky kesy Nabi s.a.w.w. sahaba ki tarbiat aur islah o naseehat kia karty thy. Nabi s.a.w.w. kisi ko ghalat kam karty dekhty thy to bary pyar sy adab sy usy samjhaty thy aur un ki zuban ki sherini sy wo log samajh bhi jaty thy. Lekin aj ky mullan aur peer ya aam log bhi kisi ko ghalat kaam karty huye dekh len to wo is andaz sy us ki islah karty hen ky wo islah kam aur us bandy ko zaleel zayada karty hen. Is waja sy ya to wo insan un ki baat sunta hi nahi ya phir zid mein aa kar wo ghalat kaam barh charh kar karta hy. Humary Nabi s.a.w.w. ka kitna shayasta lehja tha wo sahabi kehty hen ky Nabi s.a.w.w. ny na to bura bhala kaha, na mara aur na gali di. Kitna khubsurat sunnat ka tariqa hy, humen bhi kisi ki islah karty waqt is tariqa ko apnana chahye.

Islah o Naseehat Ka Nabvi Andaaz | Quotes Of

 Muhammad S.A.W.W.

Muhammad S.A.W.W. Quotes:

Muawiah Bin Hakam r.a. farmaty hen ky main 

Rasool Allah s.a.w.w. ky sath nimaz parh raha tha,

 itny mein aik shakhs cheenka, main ny kaha: Yarhamuk

 Allah! to log mujhy ghor kar dekhny lagy. Main 

ny kaha: Kash! Mujh par meri maa ro chuki hoti (yani

 main mar chuka hota) tum kion mujhy ghoorty ho? 

Ye sun kar wo log apny hath ranon par marny lagy.

 Jab main ny dekha ky wo mujhy chup karana chahty

 hen to main bhi chup ho gaya. Jab Rasool Allah 

s.a.w.w. nimaz parh chuky to (mujhy bulaya), mery

 maa bap aap s.a.w.w. par qurban hon, main ny 

aap s.a.w.w. sy behtar sikhany wala na aap s.a.w.w.

 sy pehly dekha aur na bad mein. Khuda ki qasam!

 Na aap s.a.w.w. ny mujhy bura bhala kaha, na mara 

aur na gali di. Bal ky yun farmaya:

"Nimaz mein dunia ki baten karna darust nahi, bal 

ky is mein to tasbeeh, takbeer aur Quran majeed

 ki tilawat hoti hy".