Aurat Ko Ranj O Sadma Pohnchana | Quran Quotes

Description:

Is quote mein wo ayaat bayan ki gai hein jin sy humen ye pata chalta hai ky aurat ko ranj aur sadmy ki halat mein dekhna Allah Taala ko bhi pasand nahi. Kion ky Allah pak ny jahan bhi insan ko pyar mohabbat aur shafqat ky jazby ko samjhana chaha wahan maa ya aurat ki mohabbat aur shafqat ka hawala dia hai. Kion ky in ka dil bohat narm hota hai aur Allah bhi apny bandon sy bohat mohabbat rakhta hai. Lihaza apny kisi qoul o fail sy apni walida ka dil na dukhayen, apni behnon ko afsurda na karen, apni biwi ko ranj o sadma na pohnchayen aur apni betiyon ko ghamgeen na rakhen.

Aurat Ko Ranj O Sadma Pohnchana | Quran Quotes

Quranic Sayings:

> Allah Subhan Wa Taala ny Musa a.s. ki walida sy 

mutaliq irshad farmaya: "Hum ny Musa a.s. ko un ki

 maa ky pas lota dia, ta ky un ki ankhen thandi hon

 aur wo ghamgeen na hon".

> Allah Subhan Wa Taala ny Azwaj e Mutaharat sy

 mutaliq irshad farmaya: "Is baat ki zayada tawaqo hai

 ky in sab ki ankhen thandi rahen gi aur wo ghamgeen

 nahi hon gi".

> Allah Subhan Wa Taala ny Maryam a.s. sy mutaliq

 irshad farmaya: "Farishty ny neechy ki janib sy

 in ko awaz di ky gham na karo".

> Allah Subhan Wa Taala ny Musa a.s. ki walida sy

 mutaliq irshad farmaya: "Aur darna nahi aur

 ghamgeen na hona".